Lalsawithanga, SP Khawzawl in thusawiin, Khawzawl chu ruihhlo tawlhrukna kawnga awm kan nih avangin ruihhlo hi kan khuaah a thlauh in an rawn thlauh a ni ber a, chu chuan nasa takin kan khawtlangah nghawng tha lo tak a nei a ni, a ti.

Ruihhlo hian a mimalin min nghawng lo a nih pawhin, kan khawtlang nghawng thil a nih avangin kan ngaihthah thei ngawt lo a ni, a ti a, a nghawng chu nakina kan zahna leh kan khawtlang hnufum na tur a nih avangin theihtawpa chhungkua leh khawtlangah kan inhrilhhriat a tul a ni. Ruihhlo do tur hian Police leh Excise Dept. lam ngawt rin a hun tawh lo a, Sawrkar Dept. leh NGO hrang hrangte lungrual taka ruihhlo do a chet chhuah a hun tawh takzet a ni, a ti bawk

Sorkar thuchhuahin in a tarlan danin, he hunah hian Khawzawl a NGO hrang hrang hruaitute leh Sawrkar department aiawhte an tel a, Rev Lalbiaksanga Pachuau, Counsellor, FG&CC in hunserh hmangin, PC Rosiama, President, Sub-Hqrs YMA pawhin thu a sawi bawk a ni.

Vawiin  vek khan International Day Against Drugs Abuse and Illicit Trafficking  pualin Khawzawl District Coordination Center (NCORD) te chuan Khawzawl a De-addiction Home pahnih Grace Camping Center leh Chhanchhuahna Home te chu an Chairman Lalrohlua, DC, Khawzawl hoin an tlawh a, tanpuina pawisa fai cheng 5000 ve ve an hlan  a ni.